БИШКЕК, 14-апр. — Sputnik. Жалпы суммасы 500 миң сомдон ашык аткезчилик жол менен ташылып бараткан алты тонна мандарин кармалганын КРдин Мамлекеттик чек ара кызматынын маалымат кызматы билдирди.
Баткен облусунун чек арачылары Таз-Тумшук аймагынан "MAN" үлгүсүндөгү жүк ташуучу машина айдап бараткан Кыргызстандын эки жаранын кармашкан. Аларда өзүлөрү алып бара жаткан жүк боюнча тийиштүү документтери жок болуп чыккан.
Тийиштүү документтер толтурулган соң, кармалган жарандар жана жүк Бажы кызматына өткөрүлүп берилди.
