10:35 03 Бештин айы 2016
Түз эфир
Панорама города Ош

Мырзакматов мамлекеттер аралык издөөгө алынды

© Фото / cercamon
Окуялар
Кыскача шилтеме алуу
32 0 0

Ош шаарына эстакадалык көпүрө салууда кызматтык абалынан кыянаттык менен пайдаланган деп айыпталып жаткан Мелис Мырзакматовго мамлекеттер аралык издөө жарыяланды.

БИШКЕК, 23-дек — Sputnik. Ош шаарынын мурдагы мэри Мелис Мырзакматов мамлекеттер аралык издөөгө алынганын Sputnik сайтына ИИМ маалымат кызматы билдирди. Буга чейин Мелис Мырзакматовду Интерпол аркылуу издөөгө алуу каралып жатканы маалымдалган.

"Мелис Мырзакматов мамлекеттер аралык издөөгө алынды. Тактап айтканда, КМШ мамлекеттеринин аймагында изделет. Ошондой эле Интерпол ИИМ тарабынан берилген документтерди карап жатат. Интерпол өз каналдары аркылуу издөөгө алганда гана Мырзакматов эл аралык издөөгө алынды деп айтууга болот", — деп маалымат кызматы түшүндүрмө берди.

ИИМдеги жеке булактар билдиргендей, ыкчам маалыматтар боюнча 10 күн мурда Мырзакматов Синцзян-Уйгур автономдуу районуна келген. Бирок, бул маалымат учурда такталууда. Эгер анын Кытайдын аймагында экени аныкталса, Кыргызстанга өткөрүлүп берилет. Себеби, Кыргызстан менен Кытай Эл Республикасынын ортосунда издөөгө алынган кылмышкерлерди эки тарап бири-бирине өткөрүп берүү боюнча макулдашуулар бар. Буга чейин да кылмышкерлерди өткөрүп берүү фактылары болгонун ИИМ тастыктады. 

Ош шаарынын мурдагы мэри Мелис Мырзакматов 27-ноябрда издөөгө алынган. Ага Ош шаарындагы Навои көчөсүндөгү эстакадалык көпүрөнү курууда кызматтык абалынан кыянаттык менен пайдаланган деп кылмыш иши козголгон. Ош шаардык соту аны камакка алуу чечимин чыгарып, издөө жарыяланган.

Тема боюнча

Мелис Мырзакматов Интерпол аркылуу изделет
ИИМ: Оштун экс-мэри Мелисбек Мырзакматов жакын арада кармалат
Ош шаарынын мурдагы мэри Мелисбек Мырзакматовго издөө жарыяланды
Белгилер:
Интерпол, Мелисбек Мырзакматов, Кытай, КМШ

ЭҢ МААНИЛҮҮ