12:04 04 Бештин айы 2016
Түз эфир
Военный конфликт в Сирии

Сирияга согушчандарды үгүттөп жүргөн топ Тажикстанда кармалды

© Sputnik / Андрей Стенин
Окуялар
Кыскача шилтеме алуу
28 0 0

Укук коргоочулардын маалыматы боюнча, топтун бир бөлүгү жергиликтүү жаштарды Асаддын бийлигине каршы күрөшүүгө Сирияга жөнөтүү үчүн үгүттөө менен алектенсе, бир бөлүгү бул максаттарга акча чогултуп жүргөн.

БИШКЕК, 13-ноя — Sputnik. Тажикстандын түндүгүндө камакка алынган жергиликтүү жаш тургундарды Башар Асаддын бийлигине каршы күрөшүүгө Сирияга жөнөтүү үчүн үгүттөр жүргөн террористтик көмүскө топтун лидеринин иши боюнча он адам кармалганын РИА Новости Тажикстандын Ички иштер министрлигине шилтеме берүү менен билдирди.

Укук коргоочулардын маалыматы боюнча, топтун бир бөлүгү жергиликтүү жаштарды Асаддын бийлигине каршы күрөшүүгө Сирияга жөнөтүү үчүн үгүт иштери менен алектенсе, бир бөлүгү бул максаттарга акча чогултуп жүргөн. Топтун мүчөлөрүнүн бири сентябрь айында Кыргызстандын Жалал-Абад шаарынан Сирияга чыгып кетүүгө аракет кылган жеринен кармалган. Кармалгандардын баары тергөө изоляторунда камакта, алардын үстүнөн кылмыштуу топ түзүү жана курал-жаракты мыйзамсыз сактоо фактысы боюнча кылмыш иши козголду. 

"Аталган иш боюнча 12 киши шектелип жатат, алардын арасында топтун лидери Истаравшан шаарынын 28 жашар тургуну Наджмиддин Шамсиев да бар. Анын үйүн тинтүү учурунда, эки тапанча 85 огу менен жана үн баскыч табылган", — деп айтылат билдирүүдө.

ИИМ ырастагандай, Шамсиев "Жамаат Ансаруллох" террористтик жана экстремисттик уюмунун жергиликтүү тобунун лидери болуп эсептелет.

Аталган уюм "Аль-Каиадага" кирет. Аны 2010-жылы Тажикстандын чыгышында болгон кагылышууларга, 2010-жылы Худжанд шаарында эки адамдын өлүмүнө, 25 адамдын жаракат алуусуна алып келген уюшулган кылмыштуулукка каржы күрөш боюнча аймактык бөлүмдүн имаратынын алдындагы терактка, о.э. 2013-жылдын ноябрында Душанбе шаарында теракттарды даярдоого тиешеси бар деп эсептелет. 

Жогорку сот 2012-жылы "Жамаат Ансоруллох" уюмун экстремисттик жана террористтик деп таанып, анын иш-аракетине тыюу салган.

Тажикстан Республиканын Ички иштер министрлигинин маалыматы боюнча, 2014-жылдын биринчи жарым жылдыгында Тажикстанда террорист деп шектелген 30 адам, анын ичинде "Жамаат Ансаруллохтун" 12 мүчөсү кармалган.

Тема боюнча

Сирия көйгөйү боюнча түшүндүрүү иштери Нарындан башталды
Өспүрүм Сириядагы согушка үндөп жүргөн
Белгилер:
Жамаат Ансоруллох, Аль-Каиада, Наджмиддин Шамсиев, Согуш, Сирия, Таджикистан

ЭҢ МААНИЛҮҮ