Ак-Талаага күнүнө 250 тонна көмүр жеткирилмей болду

© Sputnik / Табылды КадырбековУгольное месторождение Кара-Кече
Угольное месторождение Кара-Кече - Sputnik Кыргызстан
Жазылуу
31-октябрь күнү көмүр казуучуларга Ак-Талаа районунун элин көмүр менен камсыз кылуу тапшырмасы берилген.

БИШКЕК, 2-ноя. — Sputnik. Ак-Талаа районуна алгачкы 200 тонна көмүр жеткирилгендиги тууралуу Мамлекеттик геология агенттигинен кабарлашты. 

Эске салсак, мындан бир нече күн мурда Ак-Талаа районунун бир катар тургундары көмүр маселеси боюнча нааразычылык билдирип, митингге чыккан. Анда таңкыстык, Кара-Кечеден ташылып келген көмүрдүн баасы кымбат жана сапатынын начардыгы айтылып, сапаттуу делген "Туруктун" көмүрү менен камсыздоону талап кылган

"Көйгөйдү чечүү максатында Өнөр жай, энергетика жана жер казынасын пайдалануу мамлекеттик комитетинин жетекчилиги 31-октябрь жана 1-ноябрда "Кыргызкөмүр" ишканасынын өкүлдөрү менен жыйын өткөрүлдү", — деп айтылат маалыматта. 

31-октябрь күнү көмүр казуучуларга Ак-Талаа районунун элин көмүр менен камсыз кылуу тапшырмасы берилген. 

"1-ноябрда районго алгачкы 200 тонна кара алтын жеткирилди. Эми күн сайын 250 тоннадан жөнөтүлүп турат", — деп айтылат маалыматта. 

Буга чейин "Кыргызкөмүр" ишканасынын жетекчиси Мырза Жаманбаев аталган аймакка тоннасы 2500 сомдон көмүр жеткирилерин билдирген.

Жаңылыктар түрмөгү
0