БИШКЕК, 26-авг. — Sputnik. Үстүбүздөгү жылдын жети айынын ичинде Кыргызстандын эл аралык валюта резерви 216,6 миллион долларга өскөндүгү тууралуу Улуттук банктын сайтына жарыяланды.
Январь-июль айларынын ичинде Улуттук банк 106,2 миллион доллар сатып, 168,32 миллион доллар кайра сатып алган.
31-декабрга карата резервдин көлөмү 1 миллиард 778,2 миллионду түзсө, июль айынын акырында 1 миллиард 994,8 миллион долларга жеткен.
Аталган резерв эл аралык төлөмдөрдү ишке ашырууга жана сомдун куну менен валютанын жетишсиздигин жөнгө салуу үчүн колдонулат.
