Улуттук банк быйыл 160 млн доллар сатып алды

© Sputnik / Табылды КадырбековАКШ доллары жана 1000 сом. Архив
АКШ доллары жана 1000 сом. Архив - Sputnik Кыргызстан
Жазылуу
Жыл башынан тарта курс сегиз сомго түштү. Улуттук банк улуттук валютанын туруктуулугун сактоо үчүн интервенцияларды жүргүзүп турат.

БИШКЕК, 17-июл. — Sputnik. Улуттук банк үстүбүздөгү жыл ичинде 160 миллион 120 миң доллар сатып алгандыгы тууралуу банктын расмий сайтына жарыяланды.

Алмазбек Атамбаев Швейцария Улуттук банкынын төрагасы Томас Йорданды кабыл алуу учурунда - Sputnik Кыргызстан
Атамбаев банк ишинде швейцариялык тажрыйбаны үйрөнүү керектигин белгиледи
Алты айдын ичинде банк 91,7 миллион доллар саткан, анын көпчүлүк бөлүгү январь айына туура келет. Ал эми март айынан тарта Улуттук банк долларды кайрадан сатып ала баштаган.

Улуттук банк жума күнү 8,7 миллион доллар сатып алды. Натыйжада, жалпы жонунан жыл башынан бери 160 миллион 120 миң доллар сатып алынды.

Интервенциялар улуттук валютанын туруктуулугун сактоо үчүн жүргүзүлүп келет. Долларды сатып алуу менен өлкөнүн эл аралык валюталык резерви толукталат.

Үстүбүздөгү жылдын башында доллар 76 сом ченинде кармалып турганы менен анын наркы кайрадан төмөндөп баштады. Учурда Улуттук банк койгон доллардын наркы 67,24 сомду түздү.

Жаңылыктар түрмөгү
0