Сазбаков: "Жайкы Давос - 2016" Кыргызстанга жакшы жарнама болуп берди

© Sputnik / Табылды КадырбековКР экономика министринин орун басары Алмаз Сазбаков. Архив
КР экономика министринин орун басары Алмаз Сазбаков. Архив - Sputnik Кыргызстан
Жазылуу
Учурда Кытайдын Тяньцзинь шаарында "Жайкы Давос - 2016" дүйнөлүк экономикалык форуму өтүп жатат.

ТЯНЬЦЗИНЬ, 27-июн. — Sputnik. "Жайкы Давос — 2016" форумунда Кыргызстан тууралуу айтуу өлкө үчүн жакшы жарнама экенин КР экономика министринин орун басары Алмаз Сазбаков журналисттерге билдирди. 

КР тышкы иштер министри Эрлан Абдылдаев - Sputnik Кыргызстан
Абдылдаев: форум жүрүшүндө Кыргызстан да бир катар сунуштарды айтат
Белгилей кетсек, КР премьер-министри Сооронбай Жээнбеков баштаган кыргыз делегациясы КЭРдин премьер-министри Ли Кэцяндын чакыруусу менен "Жайкы Давос — 2016" дүйнөлүк экономикалык форумуна катышууда

Сазбаков премьер-министр баштаган кыргыз делегациясынын бул форумга катышуусу Кытай жана инвесторлор үчүн чоң позитивдүү сигнал экенин айтат. Себеби Кыргызстан глобалдуу экономикага, диалогго ачык экенин көрсөтүп жатат. 

"Кыргызстан алты миллиондук өлкө эмес, Евразиялык экономикалык биримдикке киргенин, мындан улам рынок 180 миллион кишиге кеңейип, бизнес кылууга абдан жакшы шарттар түзүлгөнүн айттык. Бул Кыргызстан үчүн абдан жакшы", — деди ал. 

Сазбаков ошондой эле форумда Жибек Жолу жаңы долбоорунун Кыргызстанга жана башка мамлекетке кандай пайда алып келери талкууланганын кошумчалады. 

"Жибек Жолу долбооруна кирген өлкөлөр үчүн пайдалуу жагы, Кыргызстанга зарылдыгы тууралуу маселелер көтөрүлдү", — деди ал. 

Сазбаков форумдун инвестициялар боюнча сессиясына катышып, Кыргызстандын бүгүнкү күндөгү шарттары тууралуу айтып бергенин кошумчалады. 

Жаңылыктар түрмөгү
0