Megacom аукциондон сатылбаса Маммүлк фондусунун жетекчиси кызматтан кетүүгө даяр

© Sputnik / Табылды КадырбековMegaCom компаниясынын сим картасы. Архив
MegaCom компаниясынын сим картасы. Архив - Sputnik Кыргызстан
Жазылуу
MegaСom компаниясы сатыкка февраль айында коюлган. Өкмөт мындай чечимин компанияны мындан ары өнүктүрүп жана иштетип кетүүгө чама-чаркы чак келбей турганы менен түшүндүргөн.

БИШКЕК, 15-июн. — Sputnik. Мамлекеттик мүлк фондунун жетекчиси Алмазбек Кадыркулов эгерде "Альфа Телеком" (Megacom соода маркасы) аукциондо сатылбай турган болсо кызматтан кетүүгө даяр. Бул тууралуу жетекчи Sputnik Кыргызстан агенттигинин кабарчысына интервью берип жатып билдирди.

Экономика министри Арзыбек Кожошев. Архив - Sputnik Кыргызстан
Экономика министри MegaCom айланасындагы соттук иштер жөнүндө айтып берди
MegaСom компаниясы сатыкка февраль айында коюлган. Өкмөт мындай чечимин компанияны мындан ары өнүктүрүп жана иштетип кетүүгө чама-чаркы чак келбей турганы менен түшүндүргөн.

Андан бери аталган ишкананын 100 пайыздык мамлекеттик акцияларынын пакети ар кыл себептерден улам сатылбай келет.

Кезектеги акциондун убактысы, эртеңкиге 16-июнга белгиленген. Бирок, Кадыркуловдун айтымында, арыздарды тапшыра турган акыркы мөөнөткө, тагыраагы бүгүнкү саат 10:00гө чейин бир да арыз түшкөн жок.

"Эртең аукцион өтпөй турган болду. Конкурстун мындан аркы тагдырын комиссия чечет", — деди Кадыркулов.

Бул ишкананы багы ачылбай, эмнеге сатылбай жатат деген суроого ал бир нече факторлор бар экендигин белгиледи. Алардын арасында дүйнөлүк каатчылык, өлкөнүн инвестицияны тарта албай жатышы жаатындагы маселе жана бул багыттагы "биздин жоё албаган кемчиликтерибиз" болду деген жообун айтты.

Сим-карта. Архив - Sputnik Кыргызстан
Чубактын кунундай чубалган "MegaCom" ишканасынын баяны
Ал эгерде "Альфа Телеком" (Megacom соода маркасы) аукциондо сатылбай турган болсо кызматтан кетүүгө даяр экенин билдирди.

"Альфа Телеком" ЖАК 2009-жылы түзүлүп, жалгыз ээси Алексей Елисеев болгон. Убактылуу өкмөт 2010-жылы компаниянын 49 пайыз акциясын улутташтырып, 51 пайызы Елисеевге караштуу Southfield Management Inc. жана Vesatel Unitеd Limited компаниясынын менчигинде калган. Өткөн жылдын июль айында акциянын 51 пайызына салынган сот бөгөтү алынып, мамлекет акциянын 100 пайызына ээлик кылып калган.

Жаңылыктар түрмөгү
0