Кепилдик фонддун уставдык капиталын 72 млн. сом деп белгилөө сунушталууда

Жазылуу
Фонд чакан жана орто ишкердик үчүн насыя алууда күрөөнүн айрым бөлүгүнө кепилдик берет.

БИШКЕК, 8-май — Sputnik. КР Экономика министрлиги "Кепилдик фонду" ААКын түзүү тууралуу токтомдун долбоорун коомдук талкууга алып чыкты.

Анда "Кепилдик фонду" ААКын түзүүнүн шарты жазылган. Эгер аталган токтом жактырыла турган болсо Мамлекеттик мүлктү башкаруу фонду уставды бекитип, ААКты башкаруу жана көзөмөлдөөчү органын бекитиши керек.

"Мамлекеттик мүлктү башкаруу фонду түзүүчү катары жаңы ААКтын уставдык капиталын 72 миллион сом өлчөмүндө республикалык бюджеттен аныкташ караш керек", — деп айтылат токтомдун долбоорунда.

Аталган документтин негиздемесинде айрым ишкерлер күрөөнүн жетишсиздигинен керектүү көлөмдөгү насыяны банктардан ала албай келишет деп жазылат. Жаңы сунушталып жаткан ААК ишкерлердин тийиштүү каражатты алышы үчүн кепилдик берет. Мындай аракеттердин аркасы менен чакан жана орто ишкердик өнүгө турганын ведомство белгилейт.

Жаңылыктар түрмөгү
0