Диль: "Альфа-телеком" компаниясынын 15% акциясы КФБга сатыкка коюлат

© Sputnik / Табылды Кадырбеков"Альфа-телеком" компаниясынын сим картасы. Архив
Альфа-телеком компаниясынын сим картасы. Архив - Sputnik Кыргызстан
Жазылуу
Вице-премьер акцияларды сатуу компанияга ири инвесторлорду тартууга өбөлгө болорун белгиледи.

БИШКЕК, 20-окт. — Sputnik. "Альфа-телеком" жабык акционердик коомунун 15 пайыз акциясы "Кыргыз фондулук биржасы" (КФБ) аркылуу сатыла турганын вице-премьер Валерий Диль аталган компанияны менчиктештирүүгө арналган жыйында билдирди.

Анын айтымында, өкмөт мындай чечимди Кыргызстандын туруктуу өнүктүрүү улуттук стратегиясында каралган иш-чаралардын алкагында кабыл алган.

"Альфа-телеком" компаниясынын 15 пайыз акциясынын сатылышы ишкананын келечектеги кирешесин капиталдаштырууга мүмкүнчүлүк берет", — деди Диль.

Бишкек-Ысык-көл авноунаа жолу. Архив - Sputnik Кыргызстан
Megaсom уюлдук операторун сатуудан түшкөн акчага Ысык-Көлдү айланта жол салынат
Вице-премьер акцияларды сатуу менен компанияга ири инвесторлорду тартууга өбөлгө болорун белгиледи.

"Альфа Телеком" ЖАК 2009-жылы түзүлүп, жалгыз ээси Алексей Елисеев болгон. Убактылуу өкмөт 2010-жылы компаниянын 49 пайыз акциясын улутташтырып, 51 пайызы Елисеевге караштуу Southfield Management Inc. и Vesatel Unitеd Limited компаниясынын менчигинде калган. Өткөн жылдын июль айында акциянын 51 пайызына салынган сот бөгөтү алынып, мамлекет акциянын 100 пайызына ээлик кылып калган.

Өткөн жылы компаниянын кирешеси эки миллиард сомду түзгөн. Июнь айынын аягында Жогорку Кеңеш "Альфа Телеком" ишканасын менчиктештириле турган объектилердин катарына киргизген.

Жаңылыктар түрмөгү
0