Сариев: Ош менен Жалал-Абадда пахта талааларын көбөйтүү керек

© Sputnik / Расул УсеналиевПахта чогултуу. Архив
Пахта чогултуу. Архив - Sputnik Кыргызстан
Жазылуу
Премьер-министр өз сөзүндө пахтаны кайра иштетүүчү заводдорду каржылоо максатында Кыргыз-орус өнүктүрүү фондунан атайын долбоордун негизинде каражат алууну сунуштады.

БИШКЕК, 8-окт. — Sputnik. Ош жана Жалал-Абад аймактарында пахта талааларын көбөйтүү зарылдыгын премьер-министр Темир Сариев Жалал-Абад облусуна болгон иш сапары учурунда билдирди.

Өкмөт башчысы Сариев Жалал-Абадга барып, спартакиаданы ачат
Маалыматка ылайык, өкмөт башчы Базар-Коргон районунда жайгашкан Cotton Textile Factory пахта заводунун иши менен таанышып чыкты. 

Аталган завод Сариевдин ар бир райондо 10дон ишкана ачуу боюнча тапшырмасынын негизинде ачылган. Жүзгө жакын адам иштеген завод жылына 20 миң тонна пахта өндүрөт.

Мындай заводдордун ишке киришинин мааниси чоң экенин белгилеген премьер-министр пахтаны кайра иштетүүгө керектүү шарттарды түзүү зарыл экенин кошумчалады.

"Ишканаларга мамлекеттик колдоону жогорулатуу боюнча бардык аракеттер көрүлүп жатат. Пахта заводго "Айыл банк" аркылуу жеңилдетилген насыя берип, анын негизинде пахта талааларын көбөйтүү зарыл. Ал үчүн дыйкандарга тикелей каражат берүү кажет", — деди Сариев.

Премьер-министр өз сөзүндө пахтаны кайра иштетүүчү заводдорду каржылоо максатында Кыргыз-орус өнүктүрүү фондунан атайын долбоордун негизинде каражат алууну сунуштады.

Сариев кийинки баскыч катары заводдон өндүрүлгөн пахтанын негизинде кездеме чыгаруу өндүрүшүн жолго коюуну белгиледи.

Жаңылыктар түрмөгү
0