Чолпон-Атада дүйнөлүк инвесторлор менен жыйырма келишимге кол коюлмакчы

© flickr.com / Thomas DepenbuschЧолпон-Атада II Эл аралык экономикалык форум өтүүдө
Чолпон-Атада II Эл аралык экономикалык форум өтүүдө - Sputnik Кыргызстан
Жазылуу
Эки күнгө созулган Эл аралык экономикалык форумга Кытай, Россия, Түркия, Казакстан, Улуу Британия, Катар мамлекеттеринин расмий өкүлдөрү, ишкерлер катышууда.

БИШКЕК, 26-авг. — Sputnik. Кытай жетекчилиги демилгелеп жаткан Жибек Жолу экономикалык алкагын түзүү долбооруна Кыргызстан активдүү катыша турганын биринчи вице-премьер-министр Тайырбек Сарпашев Чолпон-Атада өтүп жаткан II Эл аралык экономикалык форумдун жүрүшүндө билдирди.

Маалыматка ылайык, экинчи ирет өтүп жаткан эл аралык иш-чара Чыңгыз Айтматов атындагы "Рух Ордо" маданий борборунда бүгүн, 26-август күнү өз ишин баштады.

Алгачкы форумдан берки бир жыл ичинде Кыргызстан ЕАЭБ курамына киргенин, бул мамлекеттин тарыхында олуттуу кадам экенин биринчи вице-премьер-министр белгиледи.

"Кыргызстан ЕАЭБге кошулуу менен биримдикке мүчө мамлекеттердин өз ара кызматташуусун өнүктүрүүгө ыңгайлуу шарт түзүлүп жатат. Мындан тышкары, Кыргызстанда иштеген инвесторлор жана ишкерлер үчүн 170 миллион адамды кучагына алган жалпы рынокко чыгуусуна жол ачылды", — деди чиновник.

Сарпашев быйылкы форумдун географиясы кеңейгенин, бул иш-чаранын аброюн арттырарын кошумчалады.

Эки күнгө созулган Эл аралык экономикалык форумга Кытай, Россия, Түркия, Казакстан, Улуу Британия, Катар мамлекеттеринин расмий өкүлдөрү, ишкерлер катышууда.

Жаңылыктар түрмөгү
0