Каржы министрлиги капиталдык салымдын көлөмүн 5 млрд. сомго көбөйттү

© Sputnik / Владимир Федоренко / Медиабанкка өтүүЖол оңдоо иштери. Архив
Жол оңдоо иштери. Архив - Sputnik Кыргызстан
Жазылуу
Кошумча каражаттын эсебинен Баткен облусунда чек арага жакын жайгашкан унаа жолдору курулуп, Исфана шаарында чек ара кызматкерлери үчүн көп батирлүү үй салынат.

БИШКЕК, 19-июнь — Sputnik. Үстүбүздөгү жылы ички булактардын эсебинен капиталдык салымдын көлөмү беш миллиард сомго чейин жогорулай турганын Каржы министрлигинин маалымат кызматы билдирет.

Кыргызстандын бюджети жыл башынан бери пландалгандан 10%га көп болду
Маалыматка ылайык, 2015-2017-жылдары каражат социалдык-экономикалык маанидеги билим берүү, саламаттык сактоо, маданият, спорт объектилерин курууга жана реконструкциялоого багытталат.

Мындан тышкары, капиталдык салым каражаты суу чарба объектилерин курууга, социалдык жана инженердик инфраструктураны, Бишкектеги жаңы конуштарды өнүктүрүүгө жана республикадагы жолдорду оңдоп-куруу иштерине жумшалмакчы.

2015-жылга карата бекитилген бюджеттин "капиталдык салым" беренеси боюнча 2,7 миллиард сом өлчөмүндө каражат каралган, бюджетти тактоодо аталган сумманы 2,6 миллиард сомго көбөйтүү пландаштырылууда. Муну менен үстүбүздөгү жылга карата такталган бюджетке ылайык, мамлекеттик капиталдык салым көлөмү 5,3 миллиард сомду же бекитилгенден 95 пайызга көп сумманы түздү.

"Чыгымдын көбөйүшү "Бишкек – Манас эл аралык аэропорту" автожолун, облус жана шаарлардын жолдорун реконструкциялоого байланыштуу", — деп айтылат билдирүүдө.

Ошондой эле кошумча каражаттын эсебинен Баткен облусунда чек арага жакын жайгашкан унаа жолдору курулат. Исфана шаарында чек ара кызматкерлери үчүн көп батирлүү үй салынып, бир катар социалдык маселелер чечилет.

Жаңылыктар түрмөгү
0