Эксперт: Кумтөрдүн начар абалга келишине айыпкер менеджментти алмаштыруу керек

© Фото / kumtor.kgКумтөр кени. Архив
Кумтөр кени. Архив - Sputnik Кыргызстан
Жазылуу
Кыргызстандын белгилүү экономисттери Кумтөр менен анын директорлор кеңеши жөнүндө калкка туура маалымат берүүгө көмөк көрсөтүү үчүн Бишкекке чогулушту.

БИШКЕК, 16 апр. — Sputnik. Кен жайын жаман абалга алып келген "Кумтор Голд Компани" компаниясынын жетекчилиги алмашуусу керек деп билдирди шаршембиде Бишкекте өткөн Жеке инвесторлор клубунун отурумунда эксперт-экономист Досмир Өзбеков.

Кумтөр маселесин чечүүгө "Ар-Намыс" өкмөткө убакыт берүүнү макул тапты
Centerra Gold Inc. Компаниясынын директорлор кеңешин алмаштыруу сунушун мурдараак КРдин премьер-министри Жоомарт Оторбаев билдирген. Бирок ДКга абройлуу чет элдик жарандарды көз карандысыз башкаруучулар катары тартуу демилгеси коомдо Оторбаев мамлекеттин кызыкчылыгына каршы иш кылып жатат деген талаш-тартышты жараткан.

Борбордо чогулган эксперттер өкмөт башчысына өлкөнүн жарандарына маалымат жеткирүүгө көмөк көрсөтүүнү чечишти. 

Өзбековдун айтымында, башкы маселе Кумтөрдун башкармалыгы КР өкмөтү менен кызматташпай калганында болуп жатат. Эгерде директорлор кеңеши бул ири компанияны өнүктүрүүнүн стратегиялык багыттарын Канадада туруп аныктаса, анда "Кумтор Голд Компани" менеджменти өндүрүш маселелери менен жеринде алектенип жатат дейт ал. 

"Бүгүн Кумтөр ушундай начар абалга келип турганда, анын менеджментин алмаштыруу маселеси туулат", — деди эксперт-экономист.

Аттокуров: Кумтөр маселесинде премьер чет элдиктер арасында өз жактоочуларын издөөдө
Мурдараак эксперт Азамат Аттокуров директорлор кеңешинин мүчөлөрүнүн көпчүлүгү Кыргызстандын өкмөтү тарабынан көрсөтүлө турган болсо ДК республикага башкы стратегиялык инвестор жана Centerra Gold Inc. Акцияларын кармоочу катары калыс карамак деген оюн билдирген эле. 

Кумтөр алтындын кору боюнча дүйнөдө үчүнчү орунду ээлеген кен жайы болуп эсептелет. Аны Канаданын "Камеко" компаниясы 1994-жылы иштете баштаган. Алгач долбоордо кирешенин 70 пайызы Кыргызстанга жана 30 пайзы "Камеко" жетекчилигине тиет деп болжолгон. Макулдашуулар ратификацияланган соң 2003-жылы "Камеко" Centerra Gold Inc. болуп кайра түзүлүп, ал республиканын чегинен сырткары бир нече кен жайын иштете тургандыгын жарыялаган. Ошентип, компаниянын масштабы өсүп, ага жараша КРдин долбоордогу акциялары 70тен 33 пайызга түшүп кеткен.

Жогорку Кеңештин мурдагы депутаты, Кумтөр маселеси менен алектенген Кубанычбек Исабеков Centerra Gold Inc. компаниясынын Кумтөрдөн башка бардык иштептип жаткан кен жайлары жалган экендигин мурдатан бир нече жолу билдирген эле.

Жаңылыктар түрмөгү
0