12:04 04 Бештин айы 2016
Түз эфир
Купюры сом и рубль

Эксперт: рублдин кунунун түшүшү КР экономикасына да таасир берет

© Sputnik / Табылды Кадырбеков.
Экономика
Кыскача шилтеме алуу
17 0 0

Учурдагы орус валютасынын абалы Кыргызстан үчүн да кооптонууну жаратууда. Россияда иштеп жүргөн кыргызстандыктар жыл сайын 1,5 миллиарддан 2 миллиард долларга чейин жөнөтүшөт.

БИШКЕК, 18-дек — Sputnik. Орус рублинин кунунун төмөндөшү Кыргызстандын экономикасына да терс таасир бериши ыктымал. Бирок, бул абалдан пайдалуу чечимдерди жасаса да боло турганын Sputnik сайтына "Салык кеңешчилеринин палатасы" коомдук бирикмесинин аткаруучу директору Улук Кыдырбаев билдирди.

Анын айтымында, орус валютасынын алсызданышы мигранттардын Россиядан мекенине акча которуусуна терс таасирин берет.

"Ири көлөмдөгү сумманы сомго которо келгенде ал аз болуп атат. Россияда иштеп жүргөндөр мекенине кайтышы ыктымал. Бул өз кезегинде акча которуулардын азайышына алып келет. Бир жылда эле мигранттар 1,5 миллиарддан 2 миллиард долларга чейин жөнөтүшөт", — деди ал.

Кыдырбаев ошондой эле, эгер рублдин куну дагы төмөндөй турган болсо, "Кыргызстанда жасалган" деген маркадагы товарларга да оорчулук жаралышы ыктымалдыгын белгиледи. Алардын баасы башка товарларга караганда кымбат болуп, атаандаштыгын жоготот.

"Улуттук банк азырынча абалды жакшы көзөмөлдөп атат. Бирок, рублдин толкуну Кыргызстандын экономикасына да таасир берет. Эгер Россиядагы абал турукташса да, анын таасири бизде көпкө чейин сезилиши мүмкүн", — деди ал.

Кыдырбаев мамлекет түзүлгөн мындай абалдан сабак алышы керектигин белгилейт. Ал бир рыноктон же бир экономикадан өтө көп көз каранды болуу мамлекетти ушундай абалга алып келе турганын, андыктан экономикалык саясат туура кабыл алынып алынбаганын ойлонуу керек дейт.

Тема боюнча

Эркинбеков: Россияда кийинки жылдан тарта мигранттар боюнча жаңы мыйзамдар иштеп баштайт
Мигрант: Кыргызстанга салган акчаларыбыздын берекеси кетти
Рублдин кунунун түшүшү эмгек мигранттарына кыйынчылык жаратты
Белгилер:
Улук Кыдырбаев, Кыргызстан, Россия

ЭҢ МААНИЛҮҮ