02:16 08 Бештин айы 2016
Түз эфир
Здание Газпрома в Москве

"Газпром" Кыргызстандын мунайзат рыногунун өнүгүүсүнө салым кошот

© Sputnik / Максим Блинов
Экономика
Кыскача шилтеме алуу
10 0 0

Апрель айында "Газпром" ААК менен "Кыргызгаз" ААК ортосунда "Кыргызгаз" компаниясынын 100% кичи ишканасы болгон "Кыргызгазпром" ЖЧКнын уставдык капиталындагы үлүшүн толугу менен сатуу-сатып алуу жөнүндөгү макулдашууга кол коюлган.

БИШКЕК, 2-дек — Sputnik. "Газпром" ААК башкармалыгынын төрагасы Алексей Миллер менен Кыргызстандын премьер-министри Жоомарт Оторбаев шейшемби күнү өткөн жумушчу жолугушуунун алкагында россиялык компаниянын республиканын мунайзат менен электр энергетикасы рыногун өнүктүрүүгө катышуусунун келечеги туурасында маселени карашты. Бул туурасында РИА Новости "Газпромдун" басма сөз кызматынын маалыматына таянып маалымдады. 

2015-жылы "Газпром" "КыргызгазПромду" сатып алуу учурунда жактырган инвестициялык программанын алкагында компания республиканын газ тармагынын өнүгүшүнө олуттуу каражаттарды салууну пландаштырууда. Бул керектөөчүлөр үчүн тарифтерди бекитүүдө ыңгайлуураак шарттарды түзүүгө көмөкчү болот, деп айтылат маалыматта. 

Сүйлөшүүлөрдүн катышуучулары ошондой эле "Көк-Арт" жана "Чыгыш Майлы-Суу IV" тилкелериндеги геологиялык чалгындоочу иштердин этап-этабы менен өткөрүлүүчү программасын талкуулашты. 

Андан тышкары, күн тартибине Кыргызстандын газды ташуу жана газ бөлүштүрүү инфраструктурасын өнүктүрүү маселеси да киргизилген. Республикадагы тиешелүү объектилер өтө эскирип кеткендиги белгиленип, буга байланыштуу "Газпром" өлкөнү 2030-жылга чейин газ менен жабдуу жана газификациялоонун башкы схемасын иштеп чыгууда. Документте газ ташуучу кубаттуулуктарды, газды жер алдында сактоо жана бөлүштүрүү объектилерин масштабдуу реконструкциялоо жана жаңылоо каралган. 

Жолугушууда тараптар "Газпромдун" Кыргызстандын түштүк райондорун автономдуу газификациялоону уюштуруудагы, ошондой эле "Түндүк-Түштүк" магистралдык газ түтүгүн курууну изилдөөнү даярдоодогу ролун өзгөчө белгилешти.

Белгилер:
Чыгыш Майлы-Суу IV, Көк-Арт, Кыргызгазпром, Газпром, Жоомарт Оторбаев, Алексей Миллер, Россия, Москва

ЭҢ МААНИЛҮҮ