07:54 04 Бештин айы 2016
Түз эфир
Газовый счетчик

Кыргызстанда газдын баасы кайра кымбаттоодо

Экономика
Кыскача шилтеме алуу
11 0 0

Ноябрь айы үчүн калк табигый газдын 1 куб метри үчүн 13 сом 53 тыйын төлөй турган болгонун «Газпром Кыргызстан» ЖЧКсы маалымдады.

Бишкек, 3-ноя — Спутник Кыргызстан. Бул өткөн айга караганда 60 тыйынга кымбат. Октябрь айында газдын баасы 12 сом 93 тыйынга токтогон. Мындай кымбаттоого доллардын өсүшү себеп болгон, маселен октябрь айына тариф бекитилип жатканда бир доллар 54 сом 39 тыйынды түзгөн эле. Азыр болсо доллар 58 сомду чапчыды. Газдын баасы ай сайын доллардын курсуна жараша өзгөрүп турары алдын-ала айтылган.

Президент Алмазбек Атамбаев 31-август күнү, эгемендик салтанатындагы кайрылуусунда "Газпром" компаниясы 1000 куб метр газды 165 доллардан алып келүүгө макул болгонун айтып, газ арзандарын билдирген. Буга чейин өлкө Казакстандан 1000 куб метр газды 224 долларга сатып алчу. Ошондон кийин, октябрь айынан тарта газ арзандаган. Ага чейин калк анын бир куб метри үчүн 16 сом 35 тыйын төлөп келген.

Быйыл апрель айында "Кыргызгаз" ишканасы Орусиянын "Газпром" компаниясына сатылып, анын ордуна "Газпром Кыргызстан" ишканасы түзүлгөн. Өлкө түштүгүндө болсо 14-апрелден бери табигый газ жок.

Белгилер:
Курс, Доллар, Газ, Газпром Кыргызстан, Алмазбек Атамбаев

ЭҢ МААНИЛҮҮ