09:52 09 Бештин айы 2016
Түз эфир
Өзбек палоосу. Архивлик сүрөт

Тажик жана өзбек палоосу ЮНЕСКОнун маданий мурастар тизмесине киргизилди

© Sputnik / Дмитрий Коробейников
Маданият
Кыскача шилтеме алуу
9301

Өзбек палоосу күнүмдүк даярдалчу тамактардын катарына кирип, мындан сырткары өзгөчө учурларда басылат.

БИШКЕК, 2-дек. — Sputnik. Тажикстандын жана Өзбекстандын палоосу ЮНЕСКОнун маданий мурастар тизмесине киргизилди. Бул тууралуу аталган уюмдун расмий сайты маалымдады.

Тажикстанда оши-палав (палоо) тамагы салттуу тамак болуп эсептелет. Жергиликтүү калк оши-палавды "тамактардын падышасы" деп атайт. 

Оши-палавга күрүч, эт, май жана ар түрдүү жашылча, кошулмалар кошулуп, 200 түрдө даярдалат. 

"Салттуу тамак аш-тойлордо, сый конокторго жасалып, ар түрдүү коомдогу адамдардын башын бириктирет", — деп жазылат маалыматта.

Мындан сырткары, ЮНЕСКОнун маданий мурастар тизмесине өзбек палоосу да киргизилди. 

Өзбек палоосуна деле тажиктердин оши-палавындай күрүч, эт, май жана жашылчалар кошулат. Өзбек палоосу күнүмдүк даярдалчу тамактардын катарына кирип, мындан сырткары куран окуткан, жакырларга жардам берген өзгөчө учурларда басылат.

"Палоо басуу салты ар бир үй-бүлөдө сакталып кийинки муунга өткөрүп берилет. Бул салт карым-катышты бекемдеп, элдин маданиятынын бир бөлүгү болуп саналат", — деп жазылат ЮНЕСКОнун расмий сайтынын маалыматында.

Жакында эле ЮНЕСКОнун маданий мурастар тизмесине Кыргызстан, Азербайжан, Афганистан, Индия, Иран, Казакстан, Пакистан, Тажикстан, Түркмөнстан, Түркия жана Өзбекстан өлкөлөрүнүн Нооруз майрамы жана каламасы киргизилген.

Кыргызстандын маданий мурастары тууралуу Sputnik Кыргызстандын инфографикасынан көрүңүздөр>>

Тема боюнча

Бельгиянын сыра жасоо маданияты ЮНЕСКОнун тизмесине кирди
Белгилер:
палоо, тизме, ЮНЕСКО, Тажикстан, Өзбекстан

ЭҢ МААНИЛҮҮ