БИШКЕК, 9-сен. — Sputnik. Эл аралык музыкалык "Жаңы толкун-2016" конкурсунда Кыргызстандын атынан чыккан ырчы Нурсултан Азыкбаев акыркы этаптын жыйынтыгы менен төртүнчү орунду алды. Бул тууралуу конкурстун расмий сайтында кабарланат.
Конкурстун үчүнчү күнү Азыкбаев өзүнүн автордук "Аттиң ай" ыры менен чыккан.
8 Аяк оона 2016, 13:26
Ошентип үч этаптын жыйынтыгы менен кыргызстандык ырчы 414 упай алып, 16 катышуучунун ичинен төртүнчү орунга ээ болду.
Биринчи орунду 425 упай менен эки ырчы – Хорватиянын өкүлү Dino жана италиялык ырчы Валтер Рикии ээлешти. Экинчи болуп Украинанын Галина Безрук аттуу ырчысы аталды. Андан кийин 420 упай менен грузиялык ырчы Гиорги Надибаидзе такымдп келе жатат.
Ал эми көрөрмандардын добушу боюнча Азыкбаев экинчи орунга чыкты. 9-сентябрдагы маалымат боюнча ырчыга 1408 адам добуш берген.
Жеңүүчүлөр бүгүн конкурстун жабылуу аземинде сыйланат.
