Айтылуу Болот Шамшиевдин 75 жылдыгы август айында белгиленет

© Фото / Александр ФедоровРежиссер Болот Шамшиев. Архив
Режиссер Болот Шамшиев. Архив - Sputnik Кыргызстан
Жазылуу
Режиссердун Саякбай манасчы тууралуу тарткан "Манасчы" аттуу даректүү тасмасы 1965-жылы Германияда өткөн кинофестивалда баш байгеге татыган.

БИШКЕК, 20-июн. — Sputnik. Кыргыз кереметин түптөгөндөрдүн бири, СССР Эл артисти, даңазалуу режиссер Болот Шамшиевдин 75 жылдык мааракеси үстүбүздөгү жылдын 27-августунда белгиленет. Бул тууралуу Кинематография департаменти билдирди.

Маалыматка ылайык, Чыңгыз Айтматов атындагы Кино үйүндө Кинематография департаментинин директору Мукталы Бектеналиев атактуу режиссер менен жолугушуп, мааракелик кечени уюштуруу маселелерин талкуулады.

Режиссер Аманбек Ажымат. Архив - Sputnik Кыргызстан
"Жашыл жазда кыялдарым орундалат". Тасманын дүйнөлүк премьерасы Амстердамда өтөт
Жолугушуу учурунда Шамшиев Россия менен Казакстандан конокторду күтүп жатканын белгиледи. 

Мааракени 27-август күнү Бишкектеги "Ала-Тоо" кинотеатрында өткөрүү сүйлөшүлдү.

Эскерте кетсек, Болот Шамшиев 1941-жылы 12-январда төрөлгөн. Анын Саякбай манасчы тууралуу тарткан "Манасчы" аттуу даректүү тасмасы 1965-жылы Германияда өткөн кинофестивалда баш байгеге татыган. Андан кийин "Караш-Караш", "Ысык-Көлдүн кызгалдактары", "Ак кеме" сыяктуу тасмалары да бир катар эл аралык сынактарда байгелүү орундарды багынтып, элдин сүймөнчүлүгүнө айланган классикалык фильмдер болуп калды.

Жаңылыктар түрмөгү
0