Роналдиньо, Жан Клод Ван Дамм жана Майк Тайсон бир тасмага тартылат

© Sputnik / Валерий Мельников / Медиабанкка өтүүАктер Жан-Клод Ван Дамм. Архив
Актер Жан-Клод Ван Дамм. Архив - Sputnik Кыргызстан
Жазылуу
Көпчүлүктүн бүйүрүн кызыткан кино үстүбүздөгү жылдын күз мезгилинде сатыкка чыгат.

БИШКЕК, 3-июн. — Sputnik. Футбол жылдызы Роналдиньо, атактуу актер Жан Клод Ван Дамм жана легендарлуу мушкер Майк Тайсон "Кикбоксер:өч алуу" тасмасына катышат. 

Сценарий боюнча Роналдиньо уруш өнөрү боюнча мастердин ролун жаратса, баш каарман Моссини Ван Дамм ойнойт.

Фото опубликовано Ronaldo de Assis Moreira (@ronaldinhooficial) Июн 2 2016 в 5:34 PDT

Тасманын башкы продюсери Роб Хикман аталган инсандардын спорттогу жетишкендиктери үчүн гана эмес, атактуулугуна да кызыкканын билдирди. 

"Продюсер катары биз дагы маркетологдордой эле тасмабызды атактуулукка жеткире турган адамдарды тартабыз. Роналдиньо абдан таланттуу спортчу жана социалдык тармакта 66 миллион күйөрманы бар. Бул көрүнүш тасманы жайылтууга жардам болот", — деди Хикман. 

Тасмага дагы UFC турниринин мушкери Пейдж Ванзант, "Игра престолов" тасмасындагы актер Хафтор Юлиус Бьернссондор тартылат. 

Көпчүлүктүн бүйүрүн кызыткан кино үстүбүздөгү жылдын күз мезгилинде сатыкка чыгат. 

Жаңылыктар түрмөгү
0