Бүгүн "Ак Илбирс" фестивалынын кыска тизмеси жарыяланат

© Фото / пресс Ак Илбирс"Ак Илбирс" киносыйлыгы. Архив
Ак Илбирс киносыйлыгы. Архив - Sputnik Кыргызстан
Жазылуу
Аталган фестивалга 2015-жылы жаралган ар кыл жанрдагы тасмалар катышат.

БИШКЕК, 25-апр. — Sputnik. Бүгүн кечинде "Ак Илбирс" фестивалында ат салыша турган тасмалардын кыска тизмеси жарыялана турганын Кинематографисттер союзунун уюштуруу комитетинин катчысы Талант Төлөбеков билдирди. 

Анын айтымында, бүгүн саат 17.30да калыстар тобунун жыйыны өтүп, конкурстук программага кирген фильмдер аныкталат.

Курманжандатка тасмасынан кадр. Архив - Sputnik Кыргызстан
Кыргыз тасмалары Индиядагы эл аралык фестивалдан олжолуу кайтты
Эскерте кетсек, улуттук сыйлык үчүн 44 тасма арыз берген. Анын 10у — толук метраждуу тасма болсо, тогузу — даректүү, ал эми 25и — кыска метраждуу фильм болуп саналат. 

Аталган сыйлыкка 2015-жылы өндүрүштөн чыккан ар кыл жанрдагы тасмалар ат салышат. Мындан төрт жыл мурун негизделген иш-чара 14 номинация боюнча мыктыларды аныктап келсе, былтыртан баштап Борбордук Азияны толугу менен камтып, ага дагы эки номинация кошулган.

Сыйлык тапшыруу аземи 15-майда "Манас" кинотеатрында өтөт. 

Sputnik Кыргызстан маалымат агенттиги жана радиосу — "Ак Илбирс" киносыйлыгынын эл аралык маалыматтык өнөктөшү.

Жаңылыктар түрмөгү
0