БИШКЕК, 13-апр. — Sputnik. Кыргызстандык режиссер Мирлан Абдыкалыковдун "Сүтак" тасмасы Германиядагы прокаты башталды. Бул тууралуу Кинематографияны колдоо фондусу билдирди.
13 Чын Куран 2016, 09:23
11-апрелде аталган тасма Пфорцхайм жана Карлсруэ шаарларынын тургундарына тартууланды. Алдыда Дрезден, Висбаден, Берлин, Франкфурт-на-Майне шаарлары турат. Прокаттык иш-чаранын алкагында өткөн премьералык көрсөтүүлөрдө "Сүтакты" режиссер Абдыкалыков өзү тартуулады.
Маалыматка ылайык, 14-апрелден тарта Германиянын 30 шаарынын 40 кинотеатрында көрсөтүлөт.
"Сүтак" — адамдардын ортосундагы таза мамилелер, аруу сезимдер, ыйык каада-салт тууралуу тасма. "Айтыш-фильм" тарабынан "Ой Арт" студиясы менен биргеликте тартылган тасма бир катар эл аралык кинофестивалдардын баш байгесин багындырган.
