Көчмөндөр оюндарына карата окуучулар үчүн сүрөт сынагы өтүүдө

© Sputnik / Табылды КадырбековСалбурун оюну учурунда. Архив
Салбурун оюну учурунда. Архив - Sputnik Кыргызстан
Жазылуу
Үч этап каралган сынак учурда аймактарда өтүп жаткан кези. Тандалып алынган иштер Чолпон-Ата шаарында сентябрь айында өтө турган Дүйнөлүк көчмөндөр оюндарынын учурунда көргөзмөгө коюлат.

БИШКЕК, 15-мар. — Sputnik. Окуучулар арасында "Көчмөн маданиятынын балдар сүрөтүндө чагылышы" аттуу сынак жарыяланганын Билим берүү жана илим министрлиги билдирди.

Маалыматка ылайык, сынак көчмөн элдердин маданий мурасын жайылтуу, улуттук оюндарды өнүктүрүү, кийинки муунду патриоттуулукка тарбиялоо, элдин тарыхына болгон кызыгуусун арттырууга багытталган.

Дүйнөлүк көчмөндөр оюндарынын ачылышы. Архив - Sputnik Кыргызстан
Дүйнөлүк көчмөндөр оюндарына АКШ менен Австралиянын түпкү жашоочулары чакырылат
Конкурс катышуучуларынын ишин белгилүү сүрөтчүлөр, искусство таануучулар жана белгилүү кол өнөрчүлөр баалайт. 

Сынак 25-майда жыйынтыкталат. Тандалып алынган иштер Чолпон-Ата шаарында сентябрь айында өтө турган Дүйнөлүк көчмөндөр оюндарынын учурунда көргөзмөгө коюлат. 

Мында сүрөттөр ата-эне, мугалимдин жардамысыз, өз алдынча тартылышы керек. Сынак үч этап менен өтөт — аймактарда 1-мартта башталып, 20-мартка чейин уланат, экинчи этап — облустук деңгээлде 20-марттан 20-апрелге чейин, үчүнчү этап — республиканын деңгээлинде 20-апрелден 10-майга чейин "Балажан" борборунда өтөт.

Жаңылыктар түрмөгү
0