БИШКЕК, 12-дек. — Sputnik. Бишкекте V Эл аралык "Кыргызстан — кыска метраждуу өлкөлөрдүн тасмасы" кинофестивалы көшөгөсүн ачты.
Иш-чаранын салтанаттуу ачылышы "Манас" кинотеатрында өттү. Уюштуруучулардын билдирүүсүндө фестивалга КМШ, Балтика мамлекеттери жана Грузия менен бирге кыргызстандык тасмалар да ат салышмакчы.
Үч-күнгө созула турган кинофестивалдын алкагында Эл аралык жана Улуттук сынак өтүп, жалпы жонунан 23 тасма ат салышат. Фильмдер беш номинация боюнча бааланып, жыйынтыгы 15-декабрда жарыяланат.
Иш-чараны өзбекстандык режиссер Али Хомраев башында турган калыстар тобу тескейт. Топтун курамына казакстандык режиссер, сценарист Сергей Азимов, Россиядан Виктор Прокофьев, Елизавета Стишова, Армениядан Анна Гороян жана кыргызстандык режиссер Талип Ибраимов кирди.
