БИШКЕК, 26-окт. — Sputnik. Саха Республикасында Энелер күнүнө карата өткөн фестивалда кыргыз диаспорасынын "Ала-Тоо айымдары" тобу мыкты аталышканын "Замандаш" ассоциациясы билдирди.
Маалыматка ылайык, иш-чара үстүбүздөгү жылдын 25-октябрында өткөн. Фестивалга кыргыз аялдарынан тышкары Якутияда жашаган башка улуттун өкүлдөрү да катышкан.
Маданий иш-чара төрт этап менен өттү. Кыргыз айымдары бешик той көрсөтүп, улуттук тамак-аштын түрүн тартуулар, ырдап-бийлеп беришти.
Фестивалдын жыйынтыгы менен кыргыз диаспорасынын айымдары жеңишке жетишти.
