Сагынбек Ишенов "Ак Илбирс" улуттук киносыйлыгынын алгачкы лауреаты болду

© Sputnik / Артем Житенев / Медиабанкка өтүүСагынбек Ишенов "Ак Илбирс" улуттук киносыйлыгынын алгачкы лауреаты болду
Сагынбек Ишенов Ак Илбирс улуттук киносыйлыгынын алгачкы лауреаты болду - Sputnik Кыргызстан
Жазылуу
Кыргызстандагы алгачкы анимациялык тасмаларды жараткан Ишенов "Улуттук кинематографиянын өнүгүшүнө кошкон салымы үчүн" номинациясы боюнча "Ак илбирс" киносыйлыгына татыды.

БИШКЕК, 2-май — Sputnik. Улуттук киносыйлыктын негиздөөчүлөрүнүн жалпы добушу менен "Ак Илбирс" IV улуттук киносыйлыгынын алгачкы лауреаты аныкталганын "Айтыш фильм" киностудиясынын маалымат катчысы Чолпон Идрисова билдирди.

Курманжан Датка тасмасынан бир кадр. Архивное фото - Sputnik Кыргызстан
Биздин "Курманжан Датканы" АКШдагы кинофестивалда мыкты тасма деп табышты
"Ак Илбрис" улуттук киносыйлыгы 2012-жылдан тарта берилип келет. Анын максаты Кыргызстандын киноиндустриясын өнүктүрүү жана жаш режиссерлорго дем берүү болуп саналат.

Кыргызстандагы алгачкы анимациялык тасмаларды жараткан Сагынбек Ишенов "Улуттук кинематографиянын өнүгүшүнө кошкон салымы үчүн" номинациясы боюнча "Ак илбирс" киносыйлыгына татыды. 

Ишенов "Кыргызфильм" киностудиясында түзүлгөн мультипликаторлордун чыгармачыл тобун жетектеген. 1977-жылы алар тарабынан кыргыз киносунун тарыхында биринчи жолу "Сандардын чатагы" аттуу 10 мүнөттүк тасма тартылган. Ишенов андан сырткары, "Олокон", "Меке чал жана кара дөө", "Эки коен", "Портрет" аттуу ийгиликтүү мультипликациялык иштерди жасаган.

"Ак Илбирс" улуттук киносыйлыгын расмий тапшыруу иш-чарасы 16-май күнү "Манас" кинотеатрында өтөт.

Жаңылыктар түрмөгү
0