05:59 09 Бештин айы 2016
Түз эфир
Памятник Манаса у входа в Государственную филармонию имени Токтогула Сатылганова

"Манас" руханий мурастардын дүйнөлүк тизмесине киргизилди

© Sputnik / Табылды Кадырбеков
Маданият
Кыскача шилтеме алуу
27 0 0

Санкт-Петербург шаарында "Манас" эпосу адамзаттын дүйнөлүк руханий мурастарынын тизмесине киргизилгендигин расмийлеген документ КМШ Парламенттер Ассамблея Кеӊешинин башкы катчысынын орун басары – КР ЖК өкүлү Нурбек Сатвалдиевге тапшырылды.

БИШКЕК, 16-дек — Sputnik. "Манас" эпосу адамзаттын руханий мурастар объектилеринин дүйнөлүк тизмесине киргизилди. Эпосту аталган тизмеге киргизүү жөнүндө тастыктама КМШ Парламенттер Ассамблея Кеӊешинин башкы катчысынын орун басары – КР ЖК өкүлү Нурбек Сатвалдиевге Санкт-Петербург шаарында тапшырылды. Бул туурасында ЖКнын маалымат кызматы билдирди. 

 "Манас" эпосу адамзаттын руханий мурастар объектилеринин дүйнөлүк тизмесине Нурбек Сатвалдиевдин демилгеси менен киргизилди", – деп билдирди аталган маалымат кызмат.

"Манас" дастаны – дүйнөдөгү эӊ ири жана өтө көркөм чыгарма – манасчы Саякбай Каралаевден жазылган варианты 500553 ыр сабынан турат.

Адамзаттын руханий мурастар объектилеринин дүйнөлүк тизмеси ("SHA – rating") аймактык коомчулуктун жалпы адамзаттын руханий дөөлөтүнө кирген материалдык маданий буюм-тайымдарды, архитектуралык ансамблдерди, маданий эстеликтерди сактоо, коргоо, өнүктүрүү жаатындагы сапатын баалоого арналган.

Тема боюнча

"Манас" эпосу CD жана DVD дисктерге чыкты
Казакстанда "Манас" эпосу боюнча эл аралык конференция өтөт
Кыргыз боз үйү ЮНЕСКОнун маданий мурастар тизмесине кирди
Белгилер:
Саякбай Каралаев, Нурбек Сатвалдиев, Санкт-Петербург

ЭҢ МААНИЛҮҮ