05:57 09 Бештин айы 2016
Түз эфир
Круговая панорама на ВВЦ

Бишкекте Эл аралык кинофестиваль көчмөндөр жөнүндө тасма менен ачылат

© Sputnik / Артем Житенев
Маданият
Кыскача шилтеме алуу
28 0 0

Кинотасма Дохада (Катар) болуп өткөн Эл аралык кинофестивалда жана Казань шаарындагы мусулман киносунун фестивалында Гран-при сыйлыгына ээ болгон. Көчмөндөр жөнүндөгү чыгарма "Ак-Илбирс" улуттук сыйлыгынын да бир нече номинациясында жеңишке жетишкен.

БИШКЕК, 9-дек — Sputnik. Артыкпай Сүйүндүков менен Молдосейит Мамбетакуновдун "Көч" (Кочевье) даректүү тасмасы КМШ, Балтика өлкөлөрүнүн жана Грузиянын төртүнчү Эл аралык фестивалын ачат, деп билдирди дүйшөмбүдө "Айтыш" киностудиясынын басма сөз катчысы Чолпон Идрисова.

Анын айтымында, тасмада топоз багуучулардын татаал көчмөн турмушу жөнүндө айтылат. Кар көчкү коркунучунан малчылар улам башка жакка жер которууга аргасыз болушат. 

"Узак жана татаал жолду басып өтүү алар үчүн көнүмүш болуп калган, бирок цивилизация салттуу көчмөн турмушуна да өз таасирин тийгизүүдө. Бул окуя бизден алыстап бара жаткан катаал, бирок ажайып дүйнөгө болгон кусалыкты билдиргенсийт," — дейт Идрисова.

2012-жылы Катарда болуп өткөн даректүү тасмалардын "Аль-Жазира" эл аралык кинофестивалында жана андан бир жыл мурун Казань шаарында өткөн мусулмандар киносунун фестивалында кыргызстандык режиссёрлордун фильми Гран-приге ээ болгон. Өз Мекенинде болсо кинотасма бир нече номинация боюнча "Ак-Илбирс" улуттук сыйлыгына татыктуу болгон. 

"Айтыш" коомдук фонду жана Мамлекеттик кинематография департаменти Кыргызстандын кинематографиячылар биримдигинин катышуусу менен уюштуруп жаткан КМШ, Балтия өлкөлөрүнүн жана Грузиянын Эл аралык кинофестивалы 2014-жылдын 12-15-декабрында Бишкекте "Манас" кинотеатрында өтөт. Сапаттуу тасмаларды баалоочулар үчүн көрсөтүүлөр акысыз.

Бул жылы кадырлуу калыстар тобуна Россиядан келген Түркмөнстандын эл артисти, СССРдин Мамлекеттик сыйлыгынын лауреаты, кинооператор, кинорежиссер жана сценарист Ходжакули Нарлиев төрагалык кылат.

Эл аралык калыстар тобунун курамына Германиянын, Казакстандын, Саха Республикасынын жана Тажикстандын алдыңкы кино таануучулары, сынчылары, сценарийчилери жана продюсерлери кирди. Ал эми Кыргызстан тараптан КРдин маданиятына эмгек сиңирген ишмер Артыкпай Сүйүндүков калыстык кылат.

Эл аралык фестивалдын алкагында жюри ар кайсы өлкөлөр сунуштаган 13 фильмди, ал эми улуттук конкурста ата мекендик он фильмди көрүп чыгат. Сыйлыктар 15-декабрда "Мыкты фильм", "Мыкты режиссура", "Калыстар тобунун атайын сыйлыгы " жана "Көрүүчүлөрдүн сүймөнчүгү сыйлыгы" деп аталган төрт номинация боюнча тапшырылат. 


Тема боюнча

"Курманжан датка" тасмасы эл аралык ФИПРЕССИ сыйлыгы үчүн ат салышат
"Курманжан Датка" Сеулда көрсөтүлдү
"Курманжан Датка" тасмасы Кореяда көрсөтүлөт
Бишкектеги Кино үйүндө Сүймөнкул Чокморовдун 75 жылдыгы белгиленди
Белгилер:
Молдосейит Мамбетакунов, Артыкпай Сүйүндүков, Ходжакули Нарлиев, Чолпон Идрисова, КМШ, Катар, Россия

ЭҢ МААНИЛҮҮ