Амансызбы, бурадар. Өлкөдө 10:15. Күттүргөн коалиция жана жашы "өйдө аккан" mc_doncha

Жазылуу
Күркүрөгөн кеч күздө сары жалбырактар алтын килем болуп төшөлүп, муздак жел беттен сылап турсун.

Көпчүлүк күткөн чоңдордун оюну бүттү. Бул ирет кыска убакытта түзүлө койчу көпчүлүк коалициясы созулуп, араңдап жатып түзүлдү. Буга чейин серепчилердин жоромолу суу кечпей, жаңы курамга "Кыргызстан", КСДП жана "Бир Бол" фракциялары кирди. Ал эми аталган коалицияны КСДП лидери Иса Өмүркулов жетектемей болду.

Эмне дейбиз? Жаңы биримдиктин атын "Токтобек" деп коюп, ушуну менен "чарчап" калбай, токтосун деп тилек кылып туралы. 

Кечээ күнү мындан сырткары бир топ маанилүү жаңылыктар болду. Сиздер менен бирге "өтө" маанилүүлөрүн барактап өтөлү. 

Президент Алмазбек Атамбаев Россиянын премьер-министри Дмитрий Медведевди кучак жайып тосуп алды

Албетте, Медведев Алмазбек Атамбаев менен гана учурашканы келген жок. Россия өкмөт башчысы ШКУнун саммитине катышып, уюм алдына койгон максаттарына жетти таризинде сөз сүйлөп кетти. 

Унааларды тыгынга кабылтып, жай тургундарды жумушка кечиктерген ШКУ саммити ийгиликтүү аяктап, бир топ маанилүү документтерге кол коюлду.

Мындан сырткары 24 саатта интернет жылдызына айланган mc_doncha тууралуу бул жактан окусаңыздар болот

3 миллион адам көргөн аялынын туруктуулугун текшерген жигиттин ролигине көз салам десеңиз, төмөнкү ссылка сиз үчүн

Аймактарга такси, автобустардын баасын билүүнү кааласаңыз, төмөнкү инфографика жардамга келет

Валюта наркы. Бүгүн сомдун баасы долларга карата орто эсеп менен 68.73 (сатып алуу) жана 68.86 (сатуу) сомду түздү. 

Мунай баасы. Бишкекте орточо эсеп менен алганда Аи-92 үлгүсүндөгү май 36.30 сом, Аи-95 үлгүсүндөгү бензин 39.00 сом, ал эми дизель майы 34.50 сомдон сатылууда. 

Соңку сөз ордуна: Кампа данга, дасторкон нанга толсун. 

Амандыгыңызды тилеп, замандашыңыз Исмаил Мамытов.

Жаңылыктар түрмөгү
0