БИШКЕК, 7-дек. — Sputnik. Актөбөдө атайын операция жүрүп жатканын Sputnik Казакстан маалымат жана коммуникация министри Даурен Абаевге шилтеме берүү менен жазып чыкты.
"Шаар ичинде атайын операция жүрүп жатат. Бүткөндөн кийин Улуттук коопсуздук комитети кененирээк маалымат берет", — деп билдирди Абаев.
Ал белгилегендей, операция мунайды кайра иштетүүчү заводдун аймагында жүрүп, шаардын ар кайсы бөлүктөрүндө кармоо болуп жатат.
"Атайын операциянын максаты менен кармалгандардын бар жогу азырынча айтылбайт", — деп Sputnik Казакстан агенттигине Маалымат жана коммуникация министрлигинин маалымат катчысы Арсен Бектасов билдирди.
Андан кийин күч түзүмдөрү 18 кылмышкерди жок кылып, тогуз кишини колго түшүргөн. Терактыга шектелгендер "салафизм" диний агымынын өкүлдөрү экени маалым болгон.
