09:53 09 Бештин айы 2016
Түз эфир
Туризм департаментинин жетекчиси Азамат Жаманкулов
© Sputnik / Табылды Кадырбеков

Азамат Жаманкулов: Кыргызстанда туризм тармагында биринчи жолу хакатон өткөрүлүп жатат

Радио
Кыскача шилтеме алуу
5110

Туризмди өнүктүрөбүз деген жаштарга багыт көрсөтүп, тажрыйба бөлүшүү максатында Россия, Эстония жана Европанын бир катар өлкөлөрүнөн менторлор келишкен.

Кыргызстандагы туризмди өнүктүрүү максатында алгачкы жолу хакатон өткөрүлүп жатат. Бул тууралуу Туризм департаментинин жетекчиси Азамат Жаманкулов Sputnik Кыргызстан маалымат агенттигине билдирди.

Анын айтымында, учурда Кыргызстанда жаштардын туризм тармагын өнүктүрө турган бир топ идеялары болуп, бирок ишке ашыра албай жатышы ыктымал.

"Учурда туризм тармагында бир топ көйгөйлөр бар. Бул маселелерди биз Америка Университетинин балдарын чогултуп түшүндүрүп бердик. Эми балдар эки күндүн ичинде аларды чечүү жолдорун ойлоп таап келип бизге тиркеме түрүндө же сайт түрүндө идеяларын сунушташы керек. Эң жакшы түзүлгөн идеяларды ишке ашырууга биз жардам беребиз. Ал тургай презентацияга бир катар инвесторлор келип жакшы сунуштарды каржылоого да даяр", — деди Жаманкулов.

Туризмди өнүктүрөбүз деген жаштарга багыт көрсөтүп, тажрыйба бөлүшүү максатында Россия, Эстония жана Европанын бир катар өлкөлөрүнөн менторлор келишкен. 

Хакатон — идеяларды иштеп чыгуучулардын форуму. Идеялар бир жерге топтолуп келип, анын ишке ашырылышы. 

Тема боюнча

Кыргызстанда туристтер үчүн маалымат сайт ачылды
Белгилер:
хакатон, туризм, Азамат Жаманкулов, Кыргызстан, Россия

ЭҢ МААНИЛҮҮ