02:12 08 Бештин айы 2016
Түз эфир
Ош шаарындагы №01525 аскер бөлүгүндө ефрейторду мыкаачылык менен өлтүрүүгө шектелген аскердин жактоочусу Айсалкын Карабаева
© Sputnik / Зульфия Тургунова

Жактоочу Карабаева: аскерди өлтүрүүгө шектелген жоокер өзүн коргоого аргасыз болгон

Радио
Кыскача шилтеме алуу
78 0 0

Жактоочу шектүүгө карата 104-берене боюнча ачылган кылмыш ишин башка беренеге өзгөртүү сунушун берди.

Ош шаарындагы №01525 аскер бөлүгүндө ефрейторду мыкаачылык менен өлтүрүүгө шектелген аскердин жактоочусу Айсалкын Карабаева шектүү аскерди атайылап эмес, өзүн коргоо үчүн мушташканы тууралуу маалымат жыйын учурунда билдирди. 

"Шектүү Заирбек уулу Бекболот буга чейин көргөн кордугуна чыдабай аргасыздан өзүн коргоо максатында мушташкан. Ал төрт ай бою ефрейтордон кордук көрүп келгендиктен, ушундай окуяга кабылып жатат. Окуя болгон күнү ефрейтор Бекболот Заирбек уулу менен катардагы жоокер Дастан Мамажановду каптеркага (аскердик бөлүктөгү кампа) чакырган. Эки жоокер барган кезде ефрейтор Эламан алгач, Дастан Мамажановго кол көтөргөндө ал качып чыгып кеткен. Андан кийин Бекболот Заирбек уулун урганда чыдабай кетип ефрейторго жооп кайтарган. Ошондо анын башы батареяга тийип, кулап түшкөн", — деп билдирди Карабаева. 

Ушуга байланыштуу жактоочу шектүүгө карата 104-берене боюнча ачылган кылмыш ишин башка беренеге өзгөртүү сунушун берди. 

Тема боюнча

Аскерди мыкаачылык менен өлтүрүүгө шектелген жоокер өзүн коргоого аргасыз болгонбу?
Ош: аскер бөлүгүндө жоокердин каза болушу биринчи жолу катталды
Ошто аскерлер мушташып, бирөө каза болду
Ошто мушташтан өлгөн аскердин агасы: инимди мыкаачылык менен өлтүрүшүптүр
Белгилер:
жактоочу, кылмыш, Аскер

ЭҢ МААНИЛҮҮ