18:44 10 Бештин айы 2016
Түз эфир
Академик Абдылдажан Акматалиевдин архивдик сүрөтү
© Фото / Элтуран Акматалиев

Акматалиев: Айтматовдун "Чоор жана жер" чыгармасы кыргыз тилине которулган эмес

Радио
Кыскача шилтеме алуу
49 0 0

Жазуучунун бул эмгеги орус тилинен болгарчага которулган. Айтматов бул чыгармасы жөнүндө бир дагы маегинде айткан эмес.

Кыргыз Эл жазуучусу Чыңгыз Айтматовдун кыргыз тилинде жарыяланбаган "Чоор жана жер" аттуу чыгармасы табылды. Бул боюнча Sputnik Кыргызстан агенттигине академик Абдылдажан Акматалиев билдирди. 

Анын айтымында "Чоор жана жер" циклиндеги чыгармалар Болгариянын "Пламък" (1973-ж.) жана "Литературный фронт" (1974-ж.) журналында жарыяланган. Ошондой эле 1974–1976-жылдары жазуучунун болгар тилинде жарык көргөн эки томдук чыгармалар жыйнагына кирген. 

"Чоор жана жер" орус тилинен болгарчага которулган. Айтматов бул чыгармасы жөнүндө бир дагы публикацияда же маегинде айткан эмес", — деп билдирди академик. 

Акматалиевдин айтымында кыргыз окурмандары окуй элек бул эмгек менен болгар эли 40 жыл мурда эле таанышкан. Бул чыгарманын кыргыз тилинде табылышы айрым адамдардын Айтматов "Чоор менен жер" чыгармасынын автору эмес деген кептерди жокко чыгарат. 

"Чыгарма Чүй каналынын курулушуна арналган аңгемелерден турат. Мен чыгарманын болгар тилиндеги вариантын үч жыл иликтедим", — деди Акматалиев. 

Маалыматта айтылгандай "Чоор жана жердин" башкы каарманынын прототиби Улуу Ата Мекендик согуш учурунда Сталинградда баатырларча каза болгон Бейше Асакеев аттуу адам.

Тема боюнча

Окумуштуулар Айтматовдун кыргызча жарык көрбөгөн чыгармасын таап алышты
Казакстанда Чыңгыз Айтматовдун урматына эл аралык сынак жарыяланды
Белгилер:
чыгарма, Абдылдажан Акматалиев, Чыңгыз Айтматов

ЭҢ МААНИЛҮҮ