Радиостудия Sputnik Кыргызстан в Бишкеке - Sputnik Кыргызстан
Радио

Куттубек Абдуллаев: Миржигиттин майыптыгы далилденсе жөлөк пул чегерилет

© Фото / Зульфия ТургуноваГлава Кара-Суйского управления социального развития Куттубек Абдылдаев
Глава Кара-Суйского управления социального развития Куттубек Абдылдаев - Sputnik Кыргызстан
Жазылуу
Ош облусуна караштуу Маданият айылынын тургуну Абдибаит Тезекбаев 28 жаштагы уулу Миржигиттин майыптыгы боюнча жөлөк пул чыгарууга тиешелүү кызматтардан жардам сураган.
Куттубек Абдуллаев: Миржигиттин майыптыгы далилденсе жөлөк пул чегерилетк

Куюнда калып, илдетке чалдыккан жигиттин майыптыгы тиешелүү медициналык мекеме тарабынан далилденсе жөлөк пул чегерилет. Бул тууралуу Кара-Суу райондук социалдык өнүктүрүү башкармалыгынын башчысы Куттубек Абдуллаев аймактык кабарчыга билдирди.

Миржигит 12 жашында мал айдап келе жатып, куюнга туш болуп калган. - Sputnik Кыргызстан
Ош: куюнда калып жүрөгү түшкөн 28 жаштагы Миржигит алигиче ээн калуудан коркот
Эске сала кетсек, Ош облусуна караштуу Кара-Суу районунун Маданият айылынын тургуну Абдибаит Тезекбаев 28 жаштагы уулу Миржигит Тезекбаевдин майыптыгы боюнча жөлөк пул чыгарууга тиешелүү кызматтардан жардам сурап, үнүн жеткирүү үчүн Sputnik Кыргызстан агенттигине кайрылган

Атанын айтымында, Миржигит 12 жашында мал айдап келе жатып, куюнга туш болгон. Катуу коркуп, андан кийин оорудан арыла албай койгон өспүрүмгө дарыгерлер "катуу корккон" деген диагноз коюшкан. 16 жылдан бери Миржигит өзү жалгыз калуудан коркуп, атасынын жанынан чыкпайт. Баласын таштап Абдибаит аксакал да эч жакка чыга албай, үйдө отурат.

Кара-Суу райондук социалдык өнүктүрүү башкармалыгынын башчысы Куттубек Абдуллаев маалымат Sputnik Кыргызстан агенттигине чыгаары менен кызматкерлер Тезекбаевдерден кабар алганын билдирди. 

"Кара-Cуу райондор аралык медициналык социалдык экспертизалык комиссиясына кат менен кайрылуу жасадык. Эгерде комиссия тарабынан чындыгында баланын ден соолугу боюнча мүмүкүнчүлүгү чектелгени аныкталса, майыптыгы боюнча канчанчы топко тиешелүү экендиги такталып, корутунду чыкса, социалдык өнүктүрүү башкармалыгы Миржигит Тезекбаевге жөлөк пул чыгарып берүүнү колго алабыз", — деди ал.

28 жаштагы Миржигиттин энеси Минавар Тезекбаева мындан төрт жыл мурун каза болуп калгандыктан, учурда ата-бала бир үйдө жалгыз жашайт.

Жаңылыктар түрмөгү
0