БИШКЕК, 11-дек. — Sputnik. Бүгүнкү шайлоого карата коомдук тартипти сактоо максатында республика боюнча 9 миң милиция кызматкери күчөтүлгөн режимде иштейт. Бул тууралуу биринчи вице-премьер-министр Мухамметкалый Абулгазиев билдиргенин өкмөттүн маалымат кызматынан билдиришти.
Абулгазиевдин айтымында бүгүн өкмөттүн токтому менен октябрь айында түзүлгөн Республикалык штаб иштеп жатат. Анын саат 7.00дөн тарта 20.00гө чейин иштей турган call-борборунун номуру "119".
Эске сала кетсек, жергиликтүү шайлоо 22 шаардык жана 389 айылдык кеңештерде өтүүдө.