БИШКЕК, 2-ноя. — Sputnik. Укук таануучу окумуштууларга эми Жогорку сотко судья болууга уруксат берилгенин президенттин маалымат кызматы билдирди.
Алмазбек Атамбаев "Кыргызстандагы соттордун статусу жөнүндөгү" конституциялык мыйзамга өзгөртүү киргизүүгө кол койду.
Мыйзамда Жогорку сотко судья болуу үчүн сот тармагында беш жылдык тажрыйба керек деген талап жокко чыгарылган.
Эми сот болуу үчүн судья болуп иштөө шарт эмес. Бирок жарандык, кылмыш, административдик жана экономикалык иштер боюнча укук жаатында билими болушу керек. Өзгөчө бул окумуштуу укук таануучуларга тиешелүү.
Мыйзам расмий жарыялангандан кийин 10 күндөн соң күчүнө кирет.