БИШКЕК, 23-окт. — Sputnik. Дүйшөмбүдө Кыргызстандын аймагында мезгил-мезгили менен кар жаай турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрден 18-23 метрге чейин жетиши мүмкүн.
Абанын температурасы Бишкекте түнкүсүн 0…2 суук, күндүз 3…5 градус жылуу болот. Ош шаарында мезгил-мезгили менен кар жаайт. Абанын температурасы түнкүсүн 0…2 градус, күндүз 6…8 градус жылуу болот.
Ал эми калган аймактарда мезгил-мезгили менен кар жаап, тоо этектеринде жана Чүй, Талас, Ысык-Көл, Нарын облустарынын дыйканчылык аймактарында кар жаашы мүмкүн.
