10:21 05 Бештин айы 2016
Түз эфир
Кар түшкөн бактар. Архив

Шашылыш билдирүү! Өлкөдө кар жаап, катуу шамал болот

© Sputnik / Табылды Кадырбеков
Кыргызстанда
Кыскача шилтеме алуу
387 0 0

Зымдарга жана бактарга суу кар жармашат. Тоолуу аймактардын автожолдорунда тоңголок, тайгак болот. Батыштан соккон шамалдын ылдамдыгы секундасына 18-23 метрге жетиши мүмкүн.

БИШКЕК, 18-окт. — Sputnik. Эртең Ош, Жалал-Абад, Баткен облустарынын өрөөндөрүндө жаан карга айланышы ыктымал. Чүй, Талас, Ысык-Көл, Нарын облустарынын дыйканчылык аймактарында жана тоо этектеринде, тоолуу райондордо кар жаайт. Бул тууралуу Кыргызгидромет билдирди.

Маалыматка ылайык, зымдарга жана бактарга суу кар жармашат. Тоолуу аймактардын автожолдорунда тоңголок, тайгак болот. Батыштан соккон шамалдын ылдамдыгы секундасына 18-23 метрге жетиши мүмкүн.

Ошондой эле 19-20-октябрда абанын температурасы төмөндөйт.

Чүй, Талас, Ысык-Көл облустарынын дыйканчылык аймактарында түнкүсүн 0…-5 градус суук, күндүз 0…5 градус жылуу, Ош, Жалал-Абад, Баткен облустарынын өрөөндөрүндө түнкүсүн —1…-3 градус суук, күндүз 3…8 градус жылуу, Нарын облусунда түнкүсүн —5…-10 градус суук, күндүз 0…5° жылуу, тоолуу райондордо түнкүсүн —8…-13 градус суук, күндүз —1…-6 градус суук болот.

Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат. Абанын температурасынын абдан төмөндөшү жыйналбаган жашылчага, мөмө жемиштерге жана казылып алынган картошка, кант кызылчасы үчүн зыяндуу.

Тема боюнча

Өлкөнүн айрым жерлеринде катуу шамал болот
Бишкекте карызы бар үйлөргө жылуулук бериле элек
Белгилер:
аба ырайы, Кыргызгидромет, Кыргызстан

ЭҢ МААНИЛҮҮ