Паспорттун даяр болушу менен жарактуулугун Каттоо кызматынын сайтынан билүүгө болот

© Sputnik / Жоомарт УраимовМамлекеттик каттоо кызматынын электрондук кызмат көрсөтүүлөр порталы
Мамлекеттик каттоо кызматынын электрондук кызмат көрсөтүүлөр порталы - Sputnik Кыргызстан
Жазылуу
Жаңы ыкма жарандардын өлкөдөн чыгуу жана кирүүсүндө, банктардан насыя алуусунда жана финансылык бүтүмдөргө келишүүдө паспорттун жарактуулугун өз алдынча текшерип алууга мүмкүнчүлүк берет.

БИШКЕК, 10-авг. — Sputnik. Мамлекеттик каттоо кызматынын электрондук кызмат көрсөтүүлөр порталынан онлайн режимде паспорттун даяр болгонун жана анын жарактуулугун текшерүүгө болот. Бул тууралуу Каттоо кызматынан кабарлашты. 

Мындай кызмат "Улуттук паспорттордун мамлекеттик реестри" аттуу автоматташтырылган маалыматтык системанын ишке киришинен улам мүмкүн болуп калган. 

"Автоматташтырылган маалыматтык система жарандардын паспорттору боюнча бардык маалыматтарды өзүнө камтып турат. Мындай нерсе паспорттун жарактуулугун бардык адамдар жана уюмдар текшерип алуусуна мүмкүндүк берет", — деп айтылат маалыматта. 

Кыргыз Республикасынын жаранын паспорту. Архив - Sputnik Кыргызстан
Жарандыгынан ажыраган кыргызстандык террористтер кайда барат?
Аталган ыкма жарандардын өлкөдөн чыгуу жана кирүүсүндө, банктардан насыя алуусунда жана финансылык бүтүмдөргө келишүүдө паспортту өз алдынча текшерип алууга жол ачат. Жаңы паспорттун даяр болгондугун калкты тейлөө борборлоруна кайрылбастан билүүгө болот. 

Ошондой эле уюлдук телефондун номерин көрсөткөн шартта паспорттун даяр болгондугу тууралуу маалымат автоматтык түрдө смс-билдирүү аркылуу жөнөтүлөт.

Жаңылыктар түрмөгү
0