ЖМК тууралуу мыйзам долбоору депутаттарды ызы-чуу түшүрдү

Жазылуу
Демилгеге ылайык, телеканалдарга ээлик кылган чет элдиктердин үлүшү 35 пайыз, кыргыз жарандарынын үлүшү 65 пайыз болушу керек.

БИШКЕК, 22-июн. — Sputnik. Жогорку Кеңеште каралган жалпыга маалымдоо каражаттары тууралуу мыйзам долбоору депутаттар арасында чоң талашты жаратты.

Демилгечи депутат Кожобек Рыспаевдин айтымында, телеканалдарга ээлик кылган чет элдиктердин үлүшү 35 пайыз, кыргыз жарандарынын үлүшү 65 пайыз болушу керек. 

Эске сала кетсек, өткөн аптада мыйзам долбоору чийки деген жүйөө менен маселе күн тартибинен алынган.

"Биз мыйзам долбоорун жазууда өнүккөн өлкөлөрдүн тажрыйбасын эске алдык. Мисал катары АКШда телеканалдарда чет элдиктердин үлүшү 25, Францияда 20 пайызды түзөт. Мыйзам долбоору улуттук коопсуздукту сактоого багытталат", — деди Рыспаев. 

Ал ортодо депутат Жанар Акаев регламент бузулганын айтып чыгып, каршы пикирин билдирди. 

"Мыйзам бузуу болуп жатат. Ага өзгөртүүлөр киргизилген соң комитетте каралышы керек эле. Мындан сырткары, глобалдашуу заманында телеканалдарга чек коюу туура эмес. Улуттук коопсуздук деп телефондорду колдонбой коелубу?" — деди депутат.

ЖК депутаты Кожобек Рыспаев. Архив - Sputnik Кыргызстан
Рыспаев: Кыргызстандагы телеканалдарга чет элдик жарандар ээ боло албайт
Акаевдин пикирин эл өкүлү Алмамбет Шыкмаматов колдоого алып, андай болсо Facebook, Twitter социалдык тармактарын колдонуудан баш тарталы деген оюн жар салды. 

Ал эми депутат Дастан Бекешов интернет аркылуу көрсөтүлүп жаткан каналдарды кантебиз деп кабыргасынан койгон суроосуна Рыспаев интернеттеги каналдардын ЖМКга тиешеси жок экенин билдирди. 

Мыйзам долбоору биринчи окууда добуш берүүгө жөнөтүлдү.

Жаңылыктар түрмөгү
0