Кыргызстандын токойлорундагы өрттүн алдын алуу боюнча 70 топ түзүлдү

© пресс-служба МЧС КРТокойдогу отту өчүрүү. Архив
Токойдогу отту өчүрүү. Архив - Sputnik Кыргызстан
Жазылуу
Күндүн ысышы менен токойлордо өрт чыгуу коркунучу жогорулаганын Айлана-чөйрөнү коргоо жана токой чарбасы мамлекеттик агенттиги эскертет. Ошол эле учурда өрттүн чыгышына негизинен кишилер себепкер дешет кызматкерлер.

БИШКЕК, 13-июн. — Sputnik. Кыргызстандын токойлорундагы өрттүн алдын алуу боюнча 7407 кишиден турган 70 топ түзүлдү. Бул тууралуу Айлана-чөйрөнү коргоо жана токой чарбасы мамлекеттик агенттиги билдирди.

Маалыматка ылайык, атайын топтор райондук администрация жана айыл өкмөттөрү менен биргеликте уюштурулуп, керектүү жабдуулар менен камсыздалган.

Агенттик жарандардан токойго, парктарга барып эс алганда өрт коопсуздугун сактоого чакырат.

"Өрттүн чыгышына эң биринчи кезекте кишилер себепкер болуп жатат. Өчүрүлбөгөн от, тамеки, керек болсо бөтөлкөнүн сыныгы да лупа сыяктуу күндүн нурун күчтөндүрүп, өрттүн чыгышын шарттап жатат", — дейт агенттиктин адиси Бакыт Мусабаев

Өрттүн алдын алуу үчүн эс алуу учурунда төмөндөгү аракеттерди кылууга тыюу салынат:

  • куураган бактардын жана чөптөрдүн жанына казан асып, өрт коюуга болбойт;
  • өчүрүлбөгөн ширеңке, тамекини ыргытууга болбойт.
Жаңылыктар түрмөгү
0