Пневмококк илдетине каршы эмдөөдөн 148 миң ымыркай өтөт

© Sputnik / Игорь Зарембо / Медиабанкка өтүүШприц. Архив
Шприц. Архив - Sputnik Кыргызстан
Жазылуу
Вакцинациянын зарылдыгы балдар арасында илдеттин кеңири тарашынан улам келип чыкты. Ата-энелер жашаган жери боюнча Үй-бүлөлүк дарыгерлер тобуна кайрыла алат.

БИШКЕК, 22-мар. — Sputnik. Кыргызстанда 148 миң наристе пневмакокк оорусуна каршы эмдөөдөн өтө турганын Sputnik Кыргызстан агенттигине Республикалык иммунопрофилактикалык борбордун директору Жолдош Калилов билдирди.

Анын айтымында, гранттык каражатка 361,8 миң вакцина сатылып алынган.

"Профилактикалык календарга ылайык, 22-марттан баштап жыл аягына чейин 2,5 айдан баштап бир жашка чейин 148 миң ымыркай эмдөөдөн өтөт. Вакциянация республиканын бардык Үй-бүлөлүк дарыгерлер борборлорунда жасалууда. Бул үчүн ата-энелер жашаган жери боюнча кайрылышы керек", — деди ал.

Директор вакцинациянын зарылдыгы балдар арасында пневмония дартынын кеңири тарашынан улам келип чыкканын белгиледи.

"14 жашка чейин балдардын 44,8 пайызы жок дегенде бул оору менен бир жолу ооруп чыккан", — деди Калилов.

Пнемаккок инфекциясы — пневмаккок-бактерияларынан улам пайда болгон оорулардын тобу. Ага пневмония, менингит, бактериемия, кулак оорусу жана бронхит сыяктуу илдеттер кирет.

Оору аба аркылуу жугат.

Жаңылыктар түрмөгү
0