БИШКЕК, 1-мар. — Sputnik. Мартта жаратылыш газынын бир метр кубу калк үчүн 16,56 сом, ал эми ишканалар үчүн 20,07 сомдун чегинде бекитилгенин "Газпром Кыргызстан" компаниясы билдирди.
Мыйзам боюнча көгүлтүр отко болгон баа ар бир айдын башында доллардын курсуна карата бекитилет.
Бул айда газдын баасы февралга караганда калк үчүн 37, ал эми өнөр жай ишканалары, коммерциялык структуралар жана бюджеттик уюмдар үчүн 43 тыйынга арзандады. Бул баа февралдын башында доллардын куну 75,88 сом болуп белгиленсе, мартта 73,88 сомду түздү.
