Шайлоодон кийин 200 миңге чукул жаран биометрикалык маалымат тапшырды

© Sputnik / Табылды КадырбековБиометрикалык маалыматтарды топтоо иштери. Архив
Биометрикалык маалыматтарды топтоо иштери. Архив - Sputnik Кыргызстан
Жазылуу
МККнын маалыматы боюнча орто курактагылардын үч пайызы гана биометрикалык маалыматын тапшырган эмес.

БИШКЕК, 18-янв. — Sputnik. Былтыркы жылы өткөн парламенттик шайлоодон кийин 200 миңге чукул кыргызстандык биометрикалык маалымат тапшырганын Мамлекеттик каттоо кызматы кабарлады.

Биометрикалык маалымат чогултуу 2014-жылы башталган. Шайлоо алдында жеке маалымат тапшыргандардын саны 2 миллион 761 миң 297 жаранды түзгөн.

Эскерте кетсек, шайлоого биометрикалык маалыматын бергендер гана катышкан. Учурда биометрикалык маалыматтарды чогултуу жараяны жүрүп жатат.

"Бүгүнкү күндө каттоодон өткөндөрдүн саны 3 миллионго жетти. Бул 16 жаштан жогорку жарандардын 97 пайызын түзөт", — деп айтылат маалыматта. 

Биометрикалык каттоо токтобойт, анткени жыл сайын 16 жашка толгон өспүрүмдөр биометрикалык маалыматтарын тапшырып турушат. Бул кадам шайлоочулардын тизмесин жаңыртып турууга гана жардам бербестен, биометрикалык паспорт берүүгө өбөлгө болот.

Жаңылыктар түрмөгү
0