Сариев 2016-жылга болгон пландар менен бөлүштү. Маданиятка басым жасалат

© Sputnik / Табылды КадырбековПремьер-министр Темир Сариев. Архив
Премьер-министр Темир Сариев. Архив - Sputnik Кыргызстан
Жазылуу
Премьер эң маанилүү иш чаралардын катарында Эгемендүүлүктүн 25 жылдыгы, ШКУга мүчө мамлекеттердин өлкө башчылары жана өкмөт башчыларынын саммиттери өтөрүү жана 1916-жылдагы окуянын 100 жылдыгын белгилөө бар экенин белгиледи.

БИШКЕК, 1-янв. — Sputnik. 2016-жыл тарыхый маанилүү окуяларга бай боло турганын Темир Сариев билдиргенин өкмөттүн маалымат кызматы маалымдады.

Жаңырган жыл Кыргызтанда Маданият жана тарых жылы деп жарыяланган. Премьер-министр 2015-жылы өкмөт баштаган маанилүү долбоорлор улантыларын белгиледи.

"Биз маданиятты колдоо жана аны өнүктүрүүгө өзгөчө көңүл бурабыз. Анын ичинде улуттук маданияттын үлгүлөрүн жайылтууга басым жасалат. Учурдагы коопсуздук маселелери күчөп, терроризм жана экстремизм сыяктуу терс көрүнүштөргө маданиятты өнүктүрүү менен каршы тура алабыз", – деди Темир Сариев.

Президент Алмазбек Атамбаев. Архив - Sputnik Кыргызстан
Алмазбек Атамбаев 2016-жылдын бюджетине кол койду
Өкмөт башчы аймактардагы маданий жайларды оңдоо, жакшыртуу боюнча жана чыгармачыл коллективдердин аймактарга гастролдошуна шарт түзүү жаатында иштер колго алынарын кошумчалды.

Сариев 2016-жылы улуттук экономиканы чыңдоо, өнөр жай жана инфраструктуралык долбоорлорду ишке ашыруу жаатында маанилүү иштер турганын, бул үчүн өкмөт талбай иштөөгө тийиш экенин эскертти.

Жаңылыктар түрмөгү
0