БИШКЕК, 19-окт. — Sputnik. Бүгүн борбор калаада күн 11 градуска чейин жылып, батыштан соккон шамалдын ылдамдыгы секундуна 4-9 метрге чейин жетет. Бул тууралуу Кыргызгидромет билдирди.
Маалыматка ылайык, Бишкек шаарында түнкүсүн 5 градуска чейин жылуу болот. Ал эми Ош шаарында күндүз 18 градус жылуу болсо, түнкүсүн 10 градуска чейин жылуу болот.
Андан сырткары Чүй, Талас, Ысык-Көл облустарынын айрым жерлеринде —1…-3 градус сук болуп, үшүк жүрөт. Мындай үшүк жыйналбаган жылуулукту сүйүүчү жемиш бактарына, жашылчаларга жана казып алынып жабылбаган картошкага коркунуч алып келет.
Бүгүн, 19-октябрда түнкүсүн көпчүлүк аймактарда, күндүз айрым жерлерде жаан жаап, тоо этектеринде жаан карга айланат. Бийик тоолуу аймактардын автожолдору тайгак болот.
