Маматалиев: Кыргызстанды өзүбүздөн башка эч ким өнүктүрбөйт

© Sputnik / Табылды КадырбековМаматалиев: Кыргызстанды өзүбүздөн башка эч ким өнүктүрбөйт
Маматалиев: Кыргызстанды өзүбүздөн башка эч ким өнүктүрбөйт - Sputnik Кыргызстан
Жазылуу
2015-жылы Чүй облусунда кичи жана чакан бизнес менен алектенген 154 ишкана ачылып, 427 адам иш менен камсыз болду. Мындан тышкары, облустун жолдорун оңдоо үчүн бюджеттен 405,2 миллион сом каралган.

БИШКЕК, 31-авг. — Sputnik. Чүй облусунда 2015-жылы кичи жана чакан бизнес менен алектенген 154 ишкана ачылганын вице-премьер-министр Абдырахман Маматалиев Кант шаарында Эгемендүүлүк күнүнө арналган салтанаттf билдирди.

Маалыматка ылайык, атка минер жергиликтүү тургундарды майрам менен куттуктап, кыргыз эли көптөгөн кыйынчылыктарды башынан кечиргени менен башкы байлыгы — көз карандысыздыгын сактап калганын белгиледи.

"Ар бирибиз Кыргызстандын өнүгүшү үчүн салым кошушубуз керек. Өзүбүздөн башка муну эч ким жасабайт. Чыдамдуулук, түшүнүүчүлүк башкы курал болушу керек", — деди Маматалиев.

Вице-премьер бүгүнкү күндө экономикалык туруктуулук, энергетикалык көз карандысыздык, жашоо деңгээлин жакшыртуу башкы максат экенин кошумчалады. Анын айтымында, Кыргызстандын ЕАЭБге кошулуусу мамлекетке көп мүмкүнчүлүктөрдүн жолун ачат.

"2015-жылы Чүй облусунда кичи жана чакан бизнес менен алектенген 154 ишкана ачылып, 427 адам иш менен камсыз болду. Мындан тышкары, облустун жолдорун оңдоо үчүн бюджеттен 405,2 миллион сом каралган. Муну менен бирге аймактагы шаарлардын инфраструктурасын жакшыртуу боюнча масштабдуу иштер башталды", — деди вице-премьер.

Чиновник облустун социалдык-экономикалык абалын жакшыртуу үчүн бир катар мамлекеттик долбоорлор ийгиликтүү ишке ашып жатканын кошумчалады.

Жаңылыктар түрмөгү
0