Казакстанда кармалып турган мунай зат жүктөлгөн вагондор Кыргызстанга келди

© Sputnik / Юрий Лашов / Медиабанкка өтүүТемир жолундагы светофор. Архив
Темир жолундагы светофор. Архив - Sputnik Кыргызстан
Жазылуу
Үстүбүздөгү жылдын июль-август айларында Казакстанда кармалып турган 400 вагон мунай зат Кыргызстанга келди. Күйүүчү майдын көлөмүн жана сапатын аныктоо үчүн атайы комиссиялар иштөөдө.

БИШКЕК, 18-авг. — Sputnik.  Казакстандын аймагында кармалып турган мунай зат жүктөлгөн бардык вагондор Кыргызстанга келгенин нефтетрейдерлер ассоциациясы билдирет.

Нефтетрейдерлер мамлекет башчыларынан жардам сурашууда
Казакстандын Бажы кызматы 2014-жылдын апрель айынан тарта туура эмес толтурулган документтердин негизинде күйүүчү май жүктөлгөн вагондорду өткөрбөй койгон. Анын 91 вагону кылмыш ишине тиешеси бар делсе, 161 вагонго Россиянын бажы кызматынан айрым документтер талап кылынган. Бирок казак тарап тийиштүү документтер келгенден кийин да вагондорду Кыргызстанга өткөрбөй, составдын турушу үчүн 13 миллион доллар талап кылган. 

Маалыматка ылайык, үстүбүздөгү жылдын июль-август айларында Казакстанда кармалып турган 400 вагон мунай зат келген. Күйүүчү майдын көлөмүн жана сапатын аныктоо үчүн атайы комиссиялар иштөөдө.

"Нефтьпродуктусу жүктөлгөн вагондорго Казакстандын сот органдары тарабынан айып пул төлөө маселеси кайра каралып чыгып, төлөнүүчү каражаттын көлөмүн төмөндөтүү чечими кабыл алынгандан кийин Кыргызстанга кетүүгө уруксат берилди", — деп айтылат билдирүүдө. 

Ассоциация аталган маселени мамлекеттер аралык деңгээлде чечип бергени үчүн КРдин президентине жана өкмөткө ыраазычылык билдирди.

Жаңылыктар түрмөгү
0