БИШКЕК, 30-дек — Sputnik. ЖКнын Билим берүү, илим, маданият жана спорт боюнча комитети адабиятчы, профессор Салижан Жигитов атындагы адабий сыйлыкты белгилөө жөнүндө маселени карап, жактырды. Бул туурасында ЖКнын маалымат кызматы билдирди.
Сыйлыкты уюштурууну демилгесин аталган комитеттин төрагасы Каныбек Осмоналиев көтөрүп чыкты.
"Белгилүү жазуучу-акын, адабият таануучу, филология илимдеринин доктору, профессор Салижан Жигитов кыргыз улуттук адабиятына жана адабий таануусуна зор салым кошкон. Бул сыйлык адабият айдыңындагы кийинки жаштарга стимул берип жана кыргыз улуттук адабиятын колдоо максатын көздөйт", — деди Осмоналиев.
Комитет төрагасынын демилгеси комитет мүчөлөрү тарабынан колдоого алынды.
